È disponibile la puntata del 27 gennaio della nuova stagione di Mediterradio, prodotta da Francebleu RCFM, RAI Sicilia, RAI Sardegna e PBS Malta, trasmessa in diretta venerdì scorso, come sempre in lingua còrsa e italiana.
In questa puntata:
Corsica. U trafficu maritimu trà Pruprià e Porto Torres in Sardegna serà mentenutu fin’à l’estate. Dopu ùn si sà. A linea era in periculu di chjusura. A cumpagnia CMN avia decisu di firmalla u scorsu 31 di dicembre.
A pruduzzione di méle corsu hè in calata per via di e mutazioni climatiche, ma hè a malatia di u castagnu chi’ face i danni maio’. U cynips ùn sterpa solu u castagnetu, ma culpisce ancu a pruduzione di u mele.
In Sardegna. Intervista à padre Salvatore Morittu, autore di una autobiografia. Morittu, frate franciscanu, hè statu in u 1980 u fondadore di a prima comunità d’accolta per tossicodipendenti in Sardegna
Ricordu di u scrittore Giulio Angioni, scumparsu ghjiorni scorsi. Vi prupunimu un pezzu di l’intervista ch’ellu ci fece per Mediterradio, annu passatu è una parte induv’è vo u senterete leghje una puesia soia in sardu.
Puntu di a situazione idrica in Sicilia. Per via di a sicchia longa, solu in parte cumpensata dà l’acquate è e nivaghje di isti pochi ghjorni (ancu oghje e muntagne chi’ supreneghjanu à Palermu so’ imbiancate), s’allonga ben oltre a settimana a distribuzione domestica di tornu, in qualchi’ pruvinzia, cum’è l’Agrigentina. In u mentre chi’ in Palermu, dopu à dece anni, si risica d’avè di novu a distribbuzione alternata in casa.
Sicilia sempre. Una iniziativa chi’ cresce in u senu d’un gruppu di lettori: grazie à e reti suciali, riesce à purtà in classifica picculi libri d’edidori indipendenti. E quessa ùn hè pocu in una isula duve 7 persone nantu à dece ùn leghjenu mancu un libbru à l’annu.”
Ascoltala subito:
Le puntate precedenti sono disponibili qui.
Guillaume Bereni