Bastia accoglie a Madona Fiumarola venuta di Roma

Stu 18 e 19 marzu e duie capitale di a Corsica hanu vissutu à l’ora di i Santi. U 18 A Madona di a Misericordia cume tutti l’anni hà purtatu fora centinaie di fedeli inde i carrughji di a cità imperiale daretu à à so statuà. U lindumane dumenica 19 marzu Bastia hà festighjatu u so Santu Patrone Ghjisè. Ma st’annu a celebrazione hà pigliatu un’andatura più sulenne. San Ghjisè in qualchi modu hà accoltu à so moglie Rumana, A Madona di u Carmine chjamata dinò A Madona Fiumarola o di Noantri, venuta da a chjesa di San Crisogono in Trastevere. Una statua trova in bocca di u Tevere in 1505 da marinari Corsi e purtata indè a chjesa di San Crisogono chjesa di i Corsi stabiliti à Roma e chi ghjeranu in maio parte Guardie Papale.

E relazione hanu ripigliatu e à tradizione ristabilita incù a creazione di l’Associu Guardia Papale. Una prima visita ghje stata fatta annu in Roma da i Corsi, e st’annu so i rumani, Madona in testa guarnita da à so cunfraternita e u so “Governator” Pietro Solfizi e un ripresentente di u a Municipalità di Roma Stefano Tozzi, chi so ghjunti in Corsica. A prima visita ghje stata per u paese di Pedicroce in Castagniccia. Poi sabatu 19 a Madona ghje stata purtata in San Ghjisè di Bastia per “assiste” à u fiancu di u so maritu à a Messa sulenne di à so festa. Dui prelati hanu celebratu, Munsignore de Germay vescuvu di Corsica e Munsignore Perrier veschu emeritu di Lourdes. Ghjeranu assistiti da parechji preti. U prefettu, u merre di Bastia, i deputati u presidente di u Cunsigliu Dipartimentale, u presidente di l’assemblea di Corsica, quellu di a Giunta regiunale e numerose persunnalità ghjeranu in primu rangu.

 
U dopu merziornu à tre ore a prucessiò partìa di San Ghjisè per un percorssu di 5 kilometri incù e duie statuè. Tutte chjese di u caminu campane sciolte, hanu accoltu A Madona Fiumarola e San Ghjisè : L’Assunta Gloriosa, San carlu, San Ghjuvà, San Roccu, A Cuncessiò e in fine à Madona Di Lourdes à e Capannelle di fronte à u Portu. A prucessiò ha francadu a grende piazza Santu Niculà. Dipoi l’incurunamentu di a Madona di Lavasina in 1952, da Munsignore Roncalli Nunziu à Pariggi, a Piazza un’avìa cunnisciutu una folla simile per una manifestazione religiosa. A Madona di Noantri e San Ghjisè ghjeranu dinò seguitati da tutte e cunfraternite di Bastia e parechje venute da tutta Corsica. E statuè di a Madona e di San Ghjisè so state applaudite durente tuttu u percorssu. Una prucessiò di quasi 5 ore. Ma San Ghjisè un si pò festighjà senza Panzarotti, e ci n’hè statu à Buzeffu.