Chì mudellu ecunomicu per u sportu corsu di altu nivellu ? Una dumanda maghjore per l’avvene di l’inseme di i club spurtivi prufessiunali di l’isula chi anu partcipatu in fine di settimana scorsa à un’adunanza da e cullettività tarrituriale di Corsica. Sò clubs, chi, di fronte à a calata di i mezi attribuiti da e cullettività, devenu raduppià d’idee per disimpegnà nove risorze suscettibile di assicurà li un avvene perennu à mediu è longu termine. Una prublematica chi vale ancu di più, à un pocu più di setti mesi sulamente da a nascita di a cullettività unica. Hè particularmente u casu di u GFC Aiacciu volley-ball, veritabile porta-bandera di u sportu Corsu dapoi qualche staghjone in Francia ma ancu in Europa incù risultati è palmarès chi assai clubs di l’hexagone astianu. Par via di u fattu chi l’integralità di i 320 000 euro per a staghjone 2016-2017 ùn sò micca stati versati da a CTC, u club hà devutu bastà u so riclutamentu qualchi ghjorni fà. Ma, para chi l’adunanza di vennari, hà permessu di sbluccà a situazione, ciò chi hà pussutu arichità u presidente di u GFC Aiacciu volley-ball, ancu se l’avvene s’annuncia più cumplicatu cà privistu.
—
Autore : a redazzioni di Alta frequenza Traduzzione : Eva Bernard
Eva Bernard
Giovanissima studentessa còrsa, ha imparato a scuola il còrso e l'italiano: "Studià a mo lingua materna è a lingua taliana in scola, era per mè un piacè maiò!" che collaborando con Corsica Oggi ha modo di utilizzare scrivendo e traducendo dal francese.
Redazione 
Guillaume Bereni