Ind’è un bona perioda , incù 8 vittorie nant’à i 9 ultimi macci è sempre
vincitori à dumiciliu sta staghjone; u GFCA s’offre dino una vittoria è
ancu una 5esima piazza!
Vincintori dapoi 4 cunfruntazione di fronte à Toulouse, i « Rossi è
Turchini » anu vintu una volta di più à u ginnasiu André Brouat davanti à
2000 spettatori (3 set à 2).
Toulouse
Chinenyze, Van Den DRies, Burel, Louati, Brizrad, Darrieux, Carrat, Basic, Tammema, Rossard, Zagonel, Berget. Entraîneur : Cédric Enard.
Aiacciu
Exiga, Yakaniko, Bussiere, Faily Brett, Lacassie, Peteras, Castard, Stoilovic, Petrov, Simovski.
Appena u primu set cumminciatu, u GFCA s’impone (25-23).
A tensione era assai presente nant’à u terrenu. L’Aiaccini anu cuntestatu à parechje volte e decisione arbitrale. Ciò chi hà allora valutu un ghjallu à Simovski, 2e set è un rossu à Lacassie, à u 3e set.
Malgradu un serviziu di Toulouse assai putente; nant’à u terrenu, i « diavuli Rossi » duminavanu nant’à à u settore centrale. Aiutatu da Van den Dries è Louati, u capitanu di i Spacer’s hà sempre rimessu a so squadra nant’à a bona strada. Ma in faccia, u ghjocu LacassieSimovski-Dailey hà fattu u travagliu incù u sustegnu di u strasurdinariu Exiga, guasgi 35 anni, sempre quì per appuntà una quantità incredibile di palle.
Aiacciu hà dunque avutu l’ultima parulla à l’esciuta di un scontru à forte intensità. U prossimu scontru trà isse duie squadre sarà u 7 di farraghju per a 1/2 finale di Cuppa di Francia in Aiacciu. E ritruvaglie s’annuncianu dighjà esplusive!
Eva Bernard
Giovanissima studentessa còrsa, ha imparato a scuola il còrso e l'italiano: "Studià a mo lingua materna è a lingua taliana in scola, era per mè un piacè maiò!" che collaborando con Corsica Oggi ha modo di utilizzare scrivendo e traducendo dal francese.
Redazione