Volley : U GFCA scunfighje Parighji è s’offre una meza (3-2)

A u termine di un macciu bene neguziatu è di un nivellu assai altu, u
GFCA hà vintu u campionu di Francia in titulu (3-2). Ghjucarà e meze
finale di fronte à Chaumont è cuntinueghja à sunnià…

L’adempimentu ottenutu sabbatu scorsu ind’è a capitale (3-0) autorizava tutte e sperenze ind’è una siconda partita chi s’annunziava di altu vulteghju di fronte à u campione surtente, vincitore durante l’ultima ghjurnata di fasa regulara (2-3). Cume à a so abitudine, u GFCA hè statu prisente à l’appuntamentu. Di fronte, Pinheiro, suspesu sabbatu, hè di ritornu. Hè impurtante ind’è issa cunfrutazione, di marcà, d’intrata di ghjocu, u so territoriu per fà dubità l’avversariu. Una minuta di sciaccamanata prima l’iniziu di u macciu si face sente in memoria di i nostri paceri è amichi Paulu Rossi è Dumenicu Figarella. Poi, avemu da entre ind’è u vivu di u sughjettu.

U GFCA farà benissimu u so travagliu, tatticamentu è mentalmente à u corsu di una prima partita duminata ind’è u so inseme. Solidi nant’à e so base, assai perfurmanti à u block è abili in attaccu, l’Aiaccini piglianu prestu i davanti (4-1, 6-3) per cumputà cinque lungure d’avanzu à u primu tempu mortu tecnicu (8-3). Incù u so bonu cullettivu è un eccellente qualità di serviziu, Parighji parvene à rincullà (9-7, 10-8, 11-9, 12-10 ) ma di fronte, Ludo Castard sorte u so ghjocu. Dapoi u so cantu, trove belle traghjettorie u longu di a linea o incruciatte. E, incù un block rossu è turchinu chi para esse un muru infranchevule, u GFCA cunserva u scartu (16-12 à u sicondu tempu mortu tecnicu). A a furia di l’insulani, u campionu di Francia oppone un ghjocu svariatu è belle incroccule. Sens, Kreek o Holmes parmettanu à i ghjucatori di a Capitale di limità a ciaggiata. U GFCA fà prestu, è fila versu a vincita di a prima partita (21-17). Mijalovic offre sette palle di set à u GFCA. Di un magnificu contru, Dailey finisce maestralemente u travagliu (25-19).

U primu set hè vintu da i diavuli rossi ma u macciu stà quantunque assai difficiule. U GFCA prove di mette a pressione à i Parighjini. Ma i campioni a cunnoscenu! Incù Pineihro chi ùn s’hè micca fattu amichi à u Palatinu, Parighji hà da fà a corsa in capu ind’è un sicondu set assai disputatu. I sbagli so rari, è e duie squadre scunfighjanu sin’à u sicondu tempu mortu tecnicu. U Gaz pigliarà ancu i davanti (9-8, 10-9, 11-9) nanzu chi Paese, Gergye o Holmes parmettanu à i visitori d’apprufundi u scartu per cumputà sin’à quattri punti d’avanzu (14-18), 15-19). Parighji suprana à u money-time (17-20) è malgradu i contri splendidi di Castard (20-22, 21-23), un serviziu fora di Stojolovic offre trè palle d’apparinata à i Parighjini. Gergye cunclude di un’attacca vincente (21-25). A a piantata, tuttu hè à rifà. Dui set per stà in vita per i Parighjini, è dui set per scansà u campionu in titulu, ind’è i rangi Aiaccini. Se u sicondu set hè statu assai strettu, cosa pudimu di di u terzu à u « suspense » anelente! Ind’è un ghjocu di altu nivellu, i sbagli so rari è u GFCA deve alzassi à u nivellu di u so aversariu, cumpletu ind’è tutti i settori è perfurmante in fasa offensiva. I rossi è turchini so ind’è u so macciu è hè difficiule à l’una o l’altra squadra di piglià u sopra (4-4, 7-7, 10-10). U macciu s’anima di più in più, anzituttu incù l’intrata di Jovi Simovski. Parighji hè sempre in capu ( 11-14, 13-16), è alza u tonu (17-20). Torna una volta, u Gazelec ùn lascia nunda. U « smatch » di Mineiro parmette à i rossi è turchini di rincullà (20-21). E questu ci darà una fine di set palpitante (21-21, 22-22). Mineiro aghjunghje un puntu cruciale à u punteghju Aiaccinu (23-22), è dopu un salvamentu strasurdinariu di Jef Exiga, Lacassie dà duie palle di 2-1 à u Gazelec. Kreek salva a prima ma Takaniko libara un Palatinu in bullore (25-23).

Pinsemu chi l’Aiaccini so più forti psicolugicamente. Ma, solidi in ricevuta, perfurmanti à u serviziu è in contru, i ghjucatori di a Capitale piglianu prestu i davanti ind’è una quarta partita prestu finita (3-8). U Gaz ùn lascia nunda (8-10) ma hè difficiule di culmà un ritardu maio di fronte à un cullettivu chi ùn lascia intravede alcuna dibulezza . E Parighji piglia u volu (9-14, 10-16, 11-17, 12-18). U GFCA hà dighjà u capu à u quintu set. Frattempu, i Parighjini infilanu i punti (15-21) è fanu cavalieru solu (15-24). Sens rimette i rilorghji à l’ora (16-24). Tuttu si ghjucarà à u « tie-break ». Quindici punti per sunnià da u cantu Aiaccinu, per offre si una bella ind’è a Capitale da u cantu Parighjinu. A stu ghjocu, l’intacca di u quintu set sarà « decisive ». Purtatu da u so furmidabile publicu, u GFCA hà da fà vacilleru so aversariu. E duie squadre si rispondenu (2-2, 3-3, 4-4) ma Mijalovic piazza, à u bonu mumentu trè attache maestrale è decisive (7-4). Parighji mette un dinochju in tarra. Holmes è Gergye provanu di risponde ma i bracci cummincianu à tremà. Nan’à un’attacca fora di Paese, u Gaz fila versu l’ultimi (9-5). Darettu, Mijalovic è Pétréas assicuranu (12-6). Eppuru, à u bordu di a ruttura, u cullettivu Parighjinu hà da vultà (13-10). Un contru di Castard offre quattre palle di macciu à l’Aiaccini. Kreek ritarda a scadenza nanzu chi Castard avvia a so squadra ind’è l’ultimu quadrattu (15-11).

U sonniu cuntinueghja…

Salla di u Palatinu
GFCA scunfighje Parighji 3-2

Evoluzione di u punteghju
25-19 (25’), 21-25 (30’), 25-23 (33’), 16-25 (25’), 15-11 (17’). Spettatori : 2000 circa Arbitri : MM. Vanderbeeker è Rejayan Sei di partuta

GFCA : Takaniko, Mineiro, Dailey, Petreas, Castard, Mijalovic-Libero : Exiga. Ent: F.Ferrandez
Parighji : Pineirho (cap.), Gergeye, Sens, Paese, Kreek, HolmesLibero: Koga- Ent: D.Rougeyron

Anu dettu…

Fred Ferrandez (allinatore) : «Avemu tuttu pruvatu , avemu impiegatu tutti i ghjucatori per pruvà di truvà a soluzione di fronte à sta squadra assai fisica. Era un macciu assai difficile di fronte à Parighjini perfurmanti à u block è chi ci anu ponu prublemi. Cio chi rialza a nostra prestazione. U rapportu di forza era in a so favore. Duviamu ghjucà nant’à u nostru campatuè nant’à a nostra esperienza. Avemu persu piedi à qualchi mumenti. Ma ind’è l’inseme, socu un allenatore felice sta sera. L’aventura cuntinueghja, hè difficile di fà megliu ogni volta. Avemu dui tituli quist’annu, semu à dui macci di a « champion’s league » è à unu di un novu titulu. Faremu tuttu per andà u più luntanu pussibile. Ludo Castard (pointu) : « semu cascati nant’à una squadra maio di Parighji. Avemu vintu a regulara. Anu fattu assai sbagli durante u tiebreak, è avemu saputu prufità di què. So stati forti nant’à i so dui sets vinti incù pocu sbagli diretti è una qualità di serviziu maio! Avemu fattu a sfarenza d’intrata di 5esimu set, è ùn so micca stati in misura di vultà.Pensu chi issu 5esimu set s’hè ghjucatu incù u capu sopratuttu. Cuntinuemu, è a prossima volta sarà Chaumont, torna un maio! Sarà difficiule di vince quallà ma avemu da fà tuttu per andà in finale.» Jef Exiga (libero) : « Hè un mumentu strasurdinariu! Avemu fattu un macciu maio è tuttu u mondu hà partecipatu. Hè favulosu! Trovu què magnificu perchè Parighji hè statu tamantu è abbisugnava un Aiacciu maio per cuntrarià lu. Avemu un pocu lasciatu u quartu set da cantu perche eranu sopra è cumputavanu 6 o 7 punti d’avanzu. Ci simu mantenati per u quintu set. Sapiamu, che in casu di bonu principiu, pudiamu vince. E hè cio chi s’hè passatu. Semu stati più forti psiculugicamentenant’à l’inseme di i dui macci.Hè l’altu nivellu. Meritamu a nostra piazza ½. Avemu da ghjucà a più forte squadra di staghjone regulara,è sarà difficile. Un avemu micca u vantaghju di u terrenu ma sapemu ch’incù noi, tuttu hè pussibile! » Antone Exiga (presidente) : «Avemu fattu un macciu enorme incù assai strinta è un aversariu solidu in faccia. A postaera impurtanta, issu macciu s’hè ghjucatu in tie-break è ci hà surrisu perche simu stati più solidi ind’è stu quintu set.Avemu fattu pochi sbagli.Incù una vittoria quallà, sapiamu chi duviamu cuntinuà è cunfirmà. Ma sapiamu ancu chi in faccia, sarianu forti. Realizzamu torna una staghjone eccezziunale è forse ch’ella ùn hè ancu compia…»

Autore : Antone Astima
Traduzzione : Eva Bernard
Fotgrafie : Corse Net Infos è Florent Selvini