Altr’attività

Giri, spassighjate, vìsite guidate… Parlendu corsu !

Associu Immersione

L’attività ponu esse varie (teatru per i zitelli, spassighjate muntagnole, caffè in corsu…) ma u quatru serà sempre un quatru immersivu : quellu di u corsu ! Hè un associu regionale ma à principiu seranu pruposte l’attività ind’u Nebbiu, Capicorsu , Bastia è u so rughjone.

E Girandulate di Petru

Guida è accumpagnatore in muntagna, Petru vi prupone tuttu l’annu spassighjate e, forse, girandulate per ognu livellu è in tuttu l’isula. Petru hè appassiunatu di muntagna, di quest’isula è di u mediteraniu, di i lochi di memoria, di vechje petre e di tuttu ciò chi una spassighjata pò rigalà cum’è scuse per discutà. Sempre incu un spiritu d’amacizia è un pò di macagna.

Scopre

I guidi di Scopre, in Corti, vi pruponenu visite culturale è guidate ind’è i più belli loghi di l’isula. Cultura, natura è tradizione si scoprenu in lingua corsa (pè gruppi, incù riservazione).

L’Acqualina

L’Acqualina hè una piccul’impresa campagnola chi produce farina di castagna ind’è u paese di Felce, in Castagniccia. Incu ‘ssa farina crea parechji biscotti, dolci è ancu cunfittura fatta cù frutti vicini. Per i gruppi, grandi o chjuci, l’Acqualina prupone di scopre u so mistieru è sopratuttu di tastà i so produtti… Parlendu corsu.