Copa di Francia di Volley Ball : colpu doppiu per u GFCA !

Per a siconda volta cunsecutiva di a so storia u GFCA s’hè offertu a copa di Francia, duminandu Nantes Rézé in menu di duie ore (3 set à 0). A piccula storia s’acresce un pocu di più per un club chi diventa l’unu di i bastioni forti di a pallavola francese. Basta solu à chjode issa favulosa settimana marcuri in copa d’Europa di fronte à Fenerbaçe.

Un annu dopu a vittoria in Parighji di fronte à Rennes u GFCA si hè offertu torna una volta una finale, davanti à una centinaghja d’Aiaccini, chi anu fattu u spiazzamentu dapoi a cità imperiale. Magicu, strasurdinariu, maravigliosu, eccu cumu pudemu qualificà issu fattone! Favuriti, i « rossi è turchini » devenu, scrive torna a storia. E ùn si ne privaranu micca!

A u corsu di u primu set e duie squadre si consacraranu à una vera battaglia, incù un festivale di sbagli à u serviziu à l’avvicinamentu di u « money-time ». Per l’Aiaccini, a chjave di u scontru reside ind’è a qualità di u serviziu ma ancu ind’è a capacità d’incavistrà Overbeeke, unu di l’ottimi marcatori di u campiunatu. U Gaz principia bè (3-1), nanzu di lasciassi trapanà da i Nantesi più abili à u contru è à a ricevuta. L’aversariu và ancu infilà i punti è piglià i davanti (4-6, 6-8, 7-9). U GFCA stringhje u so block è parvene à ristabilisce l’equilibriu (10-10, 11-11) nanzu di duminà i Nantesi, sott’à l’impulsione di un bravu Mijalovic (13-11, 16-14). Senza tremà, l’aversariu volta aiutatu da una ricevuta « rossa è turchina » più febrile (17-17). Di più, Overbeeke ritrove u so ghjocu. Ma Simovski piglia u ghjocu in manu è u Gazelec ricolla. U scartu stà strettu (21-20, 22-21, 23-22). Un contru di Holubeck caccia l’avantaghju à u Gazelec (23-23). Ma, Demar serve ind’è u filettu è offre una palla di prima partita à l’Aiaccini. Un sbagliu di filettu dà u primu set à i rossi è turchini (25-23).

Fortu di issu vantaghju u GFCA hè più che mai mutivatu, è piglia torna i davanti incù un block solidu è attache chi piglianu à difettu u block aversu (3-1, 4-2). Un’attacca di Mijalovic dà un +3 à u GFCA (5-2). I diavuli rossi svarianu u so ghjocu (8-4, 9-5, 10-6, 11-7…). Torna una volta, Overbeeke sorte u so ghjocu è l’avversariu volta dinù (11-10). Hè u mumentu sceltu da Fred Ferrandez per scambià qualche cose in u ghjocu. E u Gaz hà da filà, di novu (14-10, 15-11, 17-13…). Petreas è Simovski trapassanu u block aversu è, sta volta, Nanta perde u filu. U Gaz ne prufita è parvene incù un +6 à u money-time (20-14).

Sempre cusi fieri , l’Aiaccini ùn paranu micca pronti à lascià scappà una siconda partita chi li tenda i bracci (22-17). Un novu rigalu (serviziu troppu corte) nantesu vede u GFCA svulazzà si. Mijalovic offre sei palle di set à i « rossi è turchini ». A siconda hè a bona, in menu di 30 minute (25-20). Scuccati, i Nantesi principianu assai bè a terza partita (0-2, 1-3). Issa volta, hè l’aversariu chi hè in capu è accenta ancu a cadenza à u primu tempu mortu tecnicu (5-8).Sempre cusi solidu mentalmente , u GFCA custreghja u so aversariu à u sbagliu è pareghja (8-8). I scambi so svariati,u ghjocu hè particularamente fluidu . I Nantesi ùn lascianu nunda (11-12). Ma Jovi Simovski assalta in forza à u mumentu prupiziu. Risultatu : + 5 per i nostri diavuli rossi chi si ne vanu versu una siconda copa di Francia cunsecutiva (16-12, 17-13, 18-13). U GFCA insiste è mantene a cadenza à u money-time (20-15). Un ci hè più core ind’è a parte Nantesa. Dui missili di Mijalovic avvicinanu un pocu più l’Aiaccini versu a vittoria (22-15). Petreas mette dui punti cunsecutivi è dà sette palle di macciu à u GFCA. Ludo Castard si incuccia à u block aversu. Ma Petreas squilla a fine di u ghjocu (25-16). E tuttu què in menu di duie ore!. Una siconda copa di Francia cunsecutiva è una storia chi ingranda, un pocu di più, ogni ghjornu. Bravi !

Casa di si sporti di Clermont-Ferrand

GFCA 3 Nantes 0

Evoluzione di i punti : 25-23 (29’), 25-20 (28’), 25-16 (25’)
Arbitri : MMCollados è Rejaeyan
Spettatori : 3000 circa
GFCA Simovski (cap.), Mineiro, Petreas, Takaniko, Dailey, Milajovic- Libero : Exiga

—
Autore : Antoine Astima Traduzzione : Eva Bernard