Cummemurazione di a liberazione di a Corsica

E ceremonie di a cummemurazione di u 74esimu anniversariu di a liberazione di a Corsica hanu principiatu incu un omaggiu à u resistente Jean Nicoli, figura simbolica di a resistenza in Corsica. Manifestazione di ricordu so state urganizate in Aiacciu carrughju Solferino induvè le statu arrestatu da i fascisti di l’OVRA e in Bastia di fronte à a lapide di u Liceu jean Nicoli loghu induvè le statu tombu da e camicie negre in stu ghjornu d’agostu di u 1943 . Jean Nicoli ghje une di è persunnalità è più maio di a resistenza corsa. Stitutore di furmazione, umanistu, republicanu cummunistu hà occupatu parechje missione impurtentissime à u Front National u muvimentu maiò di a liberazione di a Corsica. Ghjè statu incaricatu in particulare di armà a resistenza. Nicoli ghje statu arrestatu in Aiacciu carrughju Solferino incù d’altri partigiani, imprigiunatu in citadella di Bastia  poi   ghjustiziatu da i fascisti taliani chi l’hanu fucilatu n’do spinu e scabatu, à qualchi ghjorni di a rivolta liberatrice chi duvia cummincià u 9 settembre per finì per à liberazione di Bastia u 4  d’ottobre.

U presidente di l’Associu di i Cumbattenti di a Resistenza Sistu Ugolini hà ramintatu indè u so discorsu l’impurtenza di jean Nicoli per i partigiani corsi.

D’altre ceremonie di u ricordu si so seguitate in Aiacciu Bastia e indè parechji loghi di corsica. In Bastia una Piazzetta purterà oramai u nome di Dumenicu Lucchini dettu “Ribellu” altra figura curaggiosa di a resistenza. E Poi a Culletività Territuriale hà compru à l’aste a campana di u sottu marinu Casabianca, chi serà sposta à u Museu di a Corsica in Corti. U Casabianca chi ghje statu u bastimentu militare u più preziosu indè l’urganisazione di a resistenza e a cunsegna di l’arme à i partigiani. A so Turetta si trova Piazza San Niculà in Bastia di fronte à u mare.

In stu 4 d’ottobre 1943 a bandera frencese ghjera posta da i Goumiers marruchini à u fruntispiziu di a Cummuna di Bastia firmendu cusì a fine di a liberazione di a Corsica fendune a prima terra frencese à esse liberata di l’occupente.

Bastìa surtìa di i cumbatti assai culpita. I bumbardamenti americani fecenu centinaie di morti  e a cità fermava quasi in ruine. Per stu tributu pagatu à i cumbatti, Bastia ghje stata citata à l’Ordine di a Nazione e decurata di a Croce di Guerra.

—
Articulu di: Petru Luigi Alessandri